Преподобная Марфа Дивеевская (Милюкова)

Яви́лися есте́ земли́ Росси́йския украше́ние, нача́льницы оби́тели Диве́евския преподо́бныя ма́тери на́ша Алекса́ндро, Ма́рфо и Еле́но, благослове́ние Цари́цы Небе́сныя исполнившия и дерзнове́ние ко Го́споду стяжавшия, моли́те у престо́ла Пресвяты́я Тро́ицы о спасе́нии ду́ш на́ших.

Собесе́днице преподо́бнаго Серафи́ма,/ ди́вная отрокови́це и ма́ти на́ша Ма́рфо,/ равноа́нгельное житие́ стяжа́вши,/ на Небесе́х жи́тельства дости́гла еси́,// иде́же мо́лишися о спасе́нии душ на́ших. Ин тропарь, глас 2 Равноа́нгельное житие́ стяжа́вшая, ди́вная отрокови́це и собесе́днице Преподо́бнаго Серафи́ма, Госпоже́ и ма́ти на́ша Ма́рфо, ны́не в нетле́нных моще́х почива́еши и у Престо́ла Бо́жия предстои́ши, моли́ о на́с Ми́лостиваго Бо́га Небе́снаго, Диве́ева нача́льнице.

Диве́евския свети́льницы всесве́тлыя, преподо́бныя ма́тери на́ша Алекса́ндро, Ма́рфо и Еле́но, в поще́нии, бде́нии, моли́тве и труде́х до́бре подвиза́лися есте́ и по сме́рти на́с освещаете чуде́с источеньми и исцеля́ете неду́гующих души́; моли́те Христа́ Бо́га грехо́в оставле́ние дарова́ти любо́вию чту́щим святу́ю па́мять ва́шу.

Кро́тостию и смире́нием украси́вшися/ и любве́ Боже́ственныя испо́лнившися,/ ра́дость Небе́сную стяжа́ла еси́,/ отрокови́це ю́ная и ма́ти на́ша Ма́рфо,/ и, в а́нгельский о́браз от преподо́бнаго Серафи́ма обле́кшися,/ с му́дрыми де́вами в Черто́г Небе́сный всели́лася еси́,// иде́же мо́лишися о спасе́нии душ на́ших. Ин кондак, глас 8 Небе́сною кро́тостию, молча́нием и неземно́ю ра́достию испо́лнилася еси́, юная и невиданная досе́ле в Дивееве отрокови́це, преподо́бная ма́ти на́ша Ма́рфо, в вели́кую схи́му от преподо́бнаго Серафи́ма облече́нная; те́мже водвори́лася еси́ с му́дрыми де́вами в Небе́сном черто́зе и со А́нгелы Всецарю́ непреста́нно предстои́ши.