Святитель Петр Московский, митрополит Киевский и всея Руси, чудотворец

Я́же пре́жде безпло́дная земле́,/ ны́не весели́ся:/ се бо Христо́с свети́льника в тебе́ показа́,/ я́ве сия́юща в ми́ре,/ и исцелева́юща неду́ги и боле́зни на́ша./ Сего́ ра́ди лику́й и весели́ся со дерзнове́нием:// святи́тель бо есть Вы́шняго сия́ соде́ловаяй.

Первопресто́льницы Росси́йстии,/ и́стиннии храни́телие апо́стольских преда́ний,/ столпи́ непоколеби́мии, правосла́вия наста́вницы,/ Пе́тре, Алекси́е, Ио́но, Фили́ппе и Ермоге́не,/ Влады́ку всех моли́те/ мир вселе́нней дарова́ти,// и душа́м на́шим ве́лию ми́лость.

Благове́рно пожи́в в ми́ре,/ житие́м чи́стым просвети́вся,/ уче́нием святи́тельства прия́т па́ству,/ апо́столом насле́дниче./ Тем прие́м дар чуде́с от Бо́га, о́тче Пе́тре,/ моли́ Христа́ Бо́га,// да спасе́т ду́ши на́ша.

Лику́й све́тло благосла́внейший гра́де Москва́,/ име́яй в себе́ архиере́я Петра́,/ я́ко зарю́ со́лнца, всю Росси́ю чудодея́нии озаря́юща,/ той бо не́мощи врачу́ет, и неду́ги я́ко тьму прого́нит от вопию́щих ему́:/ ра́дуйся, иера́рше Бо́га Вы́шняго,// тобо́ю сия́ па́стве твое́й соде́ловающаго.

Наста́ днесь всечестны́й пра́здник/ пренесе́ния честны́х моще́й твои́х, святи́телю Пе́тре,/ веселя́ изря́дно твое́ ста́до,/ и ве́рное оте́чество, и лю́ди,/ о ни́хже не оскудева́й, моля́ся Христу́ Бо́гу,/ е́же от Него́ дарова́нней ти па́стве сохрани́тися от враг ненаве́тованней// и спасти́ся душа́м на́шим.

Я́же пре́жде безпло́дная земле́,/ ны́не весели́ся:/ се бо Христо́с свети́льника в тебе́ показа́,/ я́ве сия́юща в ми́ре,/ и исцелева́юща неду́ги и боле́зни на́ша./ Сего́ ра́ди лику́й и весели́ся со дерзнове́нием:// святи́тель бо есть Вы́шняго сия́ соде́ловаяй.

Первопресто́льницы Росси́йстии,/ и́стиннии храни́телие апо́стольских преда́ний,/ столпи́ непоколеби́мии, правосла́вия наста́вницы,/ Пе́тре, Алекси́е, Ио́но, Фили́ппе и Ермоге́не,/ Влады́ку всех моли́те/ мир вселе́нней дарова́ти,// и душа́м на́шим ве́лию ми́лость.

Благове́рно пожи́в в ми́ре,/ житие́м чи́стым просвети́вся,/ уче́нием святи́тельства прия́т па́ству,/ апо́столом насле́дниче./ Тем прие́м дар чуде́с от Бо́га, о́тче Пе́тре,/ моли́ Христа́ Бо́га,// да спасе́т ду́ши на́ша.

Лику́й све́тло благосла́внейший гра́де Москва́,/ име́яй в себе́ архиере́я Петра́,/ я́ко зарю́ со́лнца, всю Росси́ю чудодея́нии озаря́юща,/ той бо не́мощи врачу́ет, и неду́ги я́ко тьму прого́нит от вопию́щих ему́:/ ра́дуйся, иера́рше Бо́га Вы́шняго,// тобо́ю сия́ па́стве твое́й соде́ловающаго.

Наста́ днесь всечестны́й пра́здник/ пренесе́ния честны́х моще́й твои́х, святи́телю Пе́тре,/ веселя́ изря́дно твое́ ста́до,/ и ве́рное оте́чество, и лю́ди,/ о ни́хже не оскудева́й, моля́ся Христу́ Бо́гу,/ е́же от Него́ дарова́нней ти па́стве сохрани́тися от враг ненаве́тованней// и спасти́ся душа́м на́шим.

Взбра́нному и ди́вному на́шея земли́ чудотво́рцу,/ днесь любо́вию к тебе́ притека́ем, песнь Богоно́се плету́ще,/ я́ко име́я дерзнове́ние ко Го́споду,/ многообра́зных изба́ви нас обстоя́ний, да зове́м ти:// ра́дуйся, утвержде́ние гра́ду на́шему.

Во святи́телех благоче́стно пожи́сте,/ и лю́ди к Богоразу́мию наста́висте, и до́бре Бо́гу угоди́сте,/ сего́ ра́ди от Него́ нетле́нием и чудесы́ просла́вистеся,// я́ко ученицы́ Бо́жия благода́ти.

Яви́ся днесь пресве́тлая па́мять твоя́,/ святи́телю преблаже́нне Пе́тре,/ в ми́ре све́тло сия́ющи/ и явля́ющи всем// Боже́ственное сия́ние.

Я́ко врача́ преизря́дна и исто́чника чудесе́м оби́льна,/ днесь соше́дшеся любо́вию, духо́вная твоя́ ча́да,/ в пренесе́ние честны́х моще́й твои́х,/ архиере́ю Пе́тре, мо́лим тя:/ моли́ Христа́ Бо́га дарова́ти честны́м твои́м пренесе́нием/ ве́рному во́инству на́шему на враги́ победи́тельная,/ да твои́ми к Бо́гу моли́твами находя́щих зол изба́вльшеся,/ ра́достною душе́ю и весе́лием се́рдца/ благода́рная ти воспое́м, глаго́люще:// ра́дуйся, о́тче Пе́тре, архиере́ев и всея́ Росси́йския земли́ удобре́ние.

Взбра́нному и ди́вному на́шея земли́ чудотво́рцу,/ днесь любо́вию к тебе́ притека́ем, песнь Богоно́се плету́ще,/ я́ко име́я дерзнове́ние ко Го́споду,/ многообра́зных изба́ви нас обстоя́ний, да зове́м ти:// ра́дуйся, утвержде́ние гра́ду на́шему.

Во святи́телех благоче́стно пожи́сте,/ и лю́ди к Богоразу́мию наста́висте, и до́бре Бо́гу угоди́сте,/ сего́ ра́ди от Него́ нетле́нием и чудесы́ просла́вистеся,// я́ко ученицы́ Бо́жия благода́ти.

Яви́ся днесь пресве́тлая па́мять твоя́,/ святи́телю преблаже́нне Пе́тре,/ в ми́ре све́тло сия́ющи/ и явля́ющи всем// Боже́ственное сия́ние.

Я́ко врача́ преизря́дна и исто́чника чудесе́м оби́льна,/ днесь соше́дшеся любо́вию, духо́вная твоя́ ча́да,/ в пренесе́ние честны́х моще́й твои́х,/ архиере́ю Пе́тре, мо́лим тя:/ моли́ Христа́ Бо́га дарова́ти честны́м твои́м пренесе́нием/ ве́рному во́инству на́шему на враги́ победи́тельная,/ да твои́ми к Бо́гу моли́твами находя́щих зол изба́вльшеся,/ ра́достною душе́ю и весе́лием се́рдца/ благода́рная ти воспое́м, глаго́люще:// ра́дуйся, о́тче Пе́тре, архиере́ев и всея́ Росси́йския земли́ удобре́ние.