Вера и Любовь
Православный портал. β-версия.
Преподобный Лаврентий Черниговский (Проскура)
Иконы святого
Молитвы
Тропарь, глас 4
От ю́ности Христа́ возлюби́л еси́,/ и Тому́ те́сным путе́м после́дуя,/ сосу́д избра́н Ду́ха Свята́го бы́в,/ да́р чудотворе́ния и прозре́ния восприи́м:/ сего́ ра́ди в невече́рнем све́те Пресвяты́я Тро́ицы при́сно ра́дуяся,/ помина́й ча́д твои́х,// Лавре́нтие преподо́бне, о́тче на́ш.
Ин тропарь, глас 8
Дне́сь све́тло красу́ется гра́д Черни́гов,/ и торжеству́ет оби́тель Пресвяты́я Тро́ицы,/ в не́й бо моли́твою и посто́м пребыва́я,/ и́ночествующим и ве́рным лю́дем ве́лий наста́вниче и ско́рый помо́щниче,/ и избра́нник пречу́дный Цари́цы Небе́сныя яви́лся еси́,/ я́ко звезда́ лучеза́рная в стране́ Росси́йстей,/ преподо́бне о́тче на́ш Лавре́нтие,// моли́ Человеколю́бца Бо́га спасти́ ду́ши на́ша.
Кондак, глас 4
Ми́р оста́вив, чистоту́ а́нгельскую стяжа́в/ и ми́рови любо́вию послужи́в,/ о́тче на́ш Лавре́нтие,/ по́мощь благода́тную с ве́рою приходя́щим оби́льно явля́я:/ те́мже и в преми́рная селе́ния досто́йно всели́вся,/ те́лом нетле́нным с на́ми пребыва́еши,/ утвержда́я на́с в правосла́вней ве́ре отце́в на́ших,/ душе́ю светоза́рною Пода́телю ми́ра мо́лишися// дарова́ти на́м ми́р и ве́лию ми́лость.
Ин кондак, глас 4
Возсия́л еси́, яко свети́льник лучеза́рный,/ услы́ша гла́с Цари́цы Небе́сныя,/ и после́довав невозвра́тно зо́ву Ея́./ Прише́л в оби́тель Пресвяты́я Тро́ицы,/ иде́же Влады́чицы Богоро́дицы чудотво́рная ико́на,/ целому́дренно собра́в ста́до слове́сных ове́ц./ Не забу́ди и на́с, после́довавших ти́,/ и да изба́вит Госпо́дь гее́нны ве́чныя,/ соверша́ющих святу́ю па́мять твою́,// преподо́бне о́тче на́ш Лавре́нтие.
Нашли ошибку на сайте? Пожалуйста, помогите нам стать лучше! Выделите текст ошибки и нажмите Ctrl + Enter.
Также вы можете сообщить об ошибке, перейдя по ссылке: Сообщить об ошибке