Тропарь, глас 4
Приспе́ день све́тлаго торжества́,/ земля́ Моско́вская ра́дуется,/ наипа́че же лю́дие Схо́дненстии духо́вно торжеству́ют,/ прославля́юще вас, преподобному́ченицы Ната́лие, Екатери́но и Еле́но./ Вы бо, ду́ши своя́ за ве́ру Христо́ву положи́вше,/ венцы́ му́ченическими украси́лися е́сте,/ сего́ ра́ди, Престо́лу Святы́я Тро́ицы ны́не предстоя́ще,/ душа́м на́шим мир испроси́те// и ве́лию ми́лость.
