Вера и Любовь
Православный портал. β-версия.
Книга Неемии на церковнославянском. Глава 10
- И҆ въ печатлѣ́ющихъ бы́ша сі́и: неемі́а а҆ртаса́ста сы́нъ а҆халі́евъ и҆ седекі́а Неем. LVIII. 38
- сы́нъ а҆раі́евъ, и҆ а҆зарі́а и҆ і҆еремі́а,
- фасꙋ́ръ, а҆марі́а, мелхі́а,
- а҆ттꙋ́съ, севані́а, маллꙋ́хъ,
- і҆ра́мъ, мерамѡ́ѳъ, а҆вді́а,
- данїи́лъ, ганаѳѡ́нъ, варꙋ́хъ,
- месꙋлла́мъ, а҆ві́а, мїамі́нъ,
- маазі́а, велгаі̀, самаі́а: сі́и свѧще́нницы.
- Леѵі́ти же: і҆исꙋ́съ сы́нъ а҆зарі́инъ, ване́й ѿ сынѡ́въ и҆нада́довыхъ, кадмїи́лъ
- и҆ бра́тїѧ є҆гѡ̀ савані́а, ѡ҆дꙋі́а, калїта́нъ, фелі́а, а҆на́нъ,
- мїха̀, роѡ́въ, а҆севі́а,
- закхѡ́ръ, сараві́а, севані́а,
- ѡ҆дꙋ́а, сы́нове ванꙋі́ни.
- Нача̑льницы люді́й: форо́съ, фаа́ѳъ-мѡа́въ, и҆ла́мъ, заѳꙋі́а, Неем. LVIII. 8
- сы́нове ванні̑ины а҆зга́дъ, вива́й,
- а҆нані́а, ваго́й, и҆ді́нъ,
- а҆ти́ръ, є҆зекі́а, а҆зꙋ́ръ,
- ѡ҆дꙋві́а, и҆са́мъ, висі́й,
- а҆рі́фъ, а҆наѳѡ́ѳъ, нѡва́й,
- мегафи́съ, месꙋлла́мъ, и҆зі́ръ,
- месѡзеви́лъ, садꙋ́къ, і҆еддꙋ́а,
- фалті́а, а҆на́нъ, а҆наі́а,
- ѡ҆сі́а, а҆нані́а, а҆сꙋ́въ,
- а҆дѡ́й, фала́а, сѡви́къ,
- раꙋ́мъ, є҆ссавана̀, маасі́а
- и҆ а҆і́а, є҆на́нъ, и҆на́мъ,
- малꙋ́хъ, и҆ра́мъ, ваана̀.
- И҆ про́чїи ѿ люді́й, свѧщє́нницы, леѵі́ти, двє́рницы, пѣвцы̀, наѳїні́ми и҆ всѧ́къ приходѧ́й ѿ люді́й зе́мскихъ ко зако́нꙋ бж҃їю, жєны̀ и҆́хъ, сы́нове и҆́хъ, дщє́ри и҆́хъ, всѧ́къ вѣ́дѧй и҆ разꙋмѣ́ѧй, Нав. LVIII. 23
- ᲂу҆крѣплѧ́хꙋсѧ над̾ бра́тїею свое́ю, и҆ заклина́ша и҆̀хъ, и҆ внидо́ша въ клѧ́твꙋ и҆ въ ротꙋ̀, є҆́же ходи́ти въ зако́нѣ бж҃їи, и҆́же да́нъ є҆́сть рꙋко́ю мѡѷсе́а раба̀ бж҃їѧ, да сотворѧ́тъ и҆ сохранѧ́тъ всѧ̑ за́пѡвѣди гдⷭ҇ни и҆ сꙋдьбы̑ є҆гѡ̀ и҆ повелѣ̑нїѧ є҆гѡ̀, Втор. LVIII. 18
- и҆ є҆́же не да́ти дще́рей на́шихъ лю́демъ зє́мскимъ, и҆ дще́рей и҆́хъ не во́змемъ сыновѡ́мъ на́шымъ:
- лю́дїе же землѝ носѧ́щїи продає́маѧ и҆ всѧ̑ кꙋпꙋ́ємаѧ во днѝ сꙋббѡ́ты продава́ти, не кꙋ́пимъ ѿ ни́хъ въ сꙋббѡ̑ты, ни въ де́нь свѧты́й: и҆ ѡ҆ста́вимъ лѣ́то седмо́е, и҆ даѧ́нїе всѣ́хъ рꙋ́къ. Исх. LVIII. 10 Лев. LVIII. 3 Лев. LVIII. 4
- И҆ поста́вимъ над̾ на́ми за́повѣдь даѧ́ти на́мъ тре́тїю ча́сть дїдра́хмы на лѣ́то, на дѣ́ло до́мꙋ бг҃а на́шегѡ, Исх. LVIII. 13
- на хлѣ́бы предложе́нїѧ и҆ на жє́ртвы повседнє́вныѧ, и҆ во всесожже́нїе прⷭ҇ное сꙋббѡ́тъ, новомⷭ҇чїй, въ пра́здники и҆ во ст҃а̑ѧ, и҆ ꙗ҆̀же ѡ҆ грѣсѣ́хъ, помоли́тисѧ за і҆и҃лѧ, и҆ на дѣла̀ до́мꙋ бг҃а на́шегѡ. Исх. LVIII. 30 Исх. LVIII. 40 Числ. LVIII. 2
- И҆ жре́бїй метнꙋ́хомъ ѡ҆ ноше́нїи древе́съ, свѧще́нницы и҆ леѵі́ти и҆ лю́дїе, носи́ти въ до́мъ бг҃а на́шегѡ, по домѡ́мъ ѻ҆те́чествъ на́шихъ, ѿ вре́мене до вре́мене, ѿ лѣ́та до лѣ́та возжига́ти на ѻ҆лтарѝ гдⷭ҇ꙋ бг҃ꙋ на́шемꙋ, ꙗ҆́коже пи́сано є҆́сть въ зако́нѣ, Лев. LVIII. 12
- и҆ приноси́ти перворѡ́днаѧ землѝ на́шеѧ и҆ перворѡ́днаѧ плода̀ всѧ́кагѡ дре́ва, ѿ лѣ́та до лѣ́та, въ до́мъ гдⷭ҇ень, Исх. LVIII. 20 Исх. LVIII. 26 Лев. LVIII. 24
- и҆ пе́рвенцы сынѡ́въ на́шихъ и҆ скотѡ́въ на́шихъ, ꙗ҆́коже пи́сано є҆́сть въ зако́нѣ, и҆ пе́рвенцы волѡ́въ на́шихъ и҆ ста́дъ на́шихъ приноси́ти въ до́мъ бг҃а на́шегѡ, свѧще́нникѡмъ слꙋжа́щымъ въ домꙋ̀ бг҃а на́шегѡ: Исх. LVIII. 2
- и҆ нача́тки жи̑тъ на́шихъ и҆ пло́дъ всѧ́кагѡ дре́ва, вїна̀ и҆ є҆ле́а, приноси́ти бꙋ́демъ свѧще́нникѡмъ въ сокро́вище до́мꙋ бж҃їѧ, и҆ десѧти́нꙋ землѝ на́шеѧ леѵі́тѡмъ, и҆ ті́и леѵі́ти десѧти́нꙋ прїе́млютъ во всѣ́хъ градѣ́хъ дѣ́лъ на́шихъ. Лев. LVIII. 17 Числ. LVIII. 12 Втор. LVIII. 22
- Бꙋ́детъ же свѧще́нникъ сы́нъ а҆арѡ́новъ съ леѵі̑ты въ десѧти́нахъ леѵі́тѡвъ, и҆ леѵі́ти и҆́мꙋтъ приноси́ти десѧ́тꙋю ча́сть десѧти́ны въ до́мъ бг҃а на́шегѡ въ сокро́вище до́мꙋ бж҃їѧ, Втор. LVIII. 23
- ꙗ҆́кѡ въ сокрѡ́вища принесꙋ́тъ сы́нове і҆и҃лєвы и҆ сы́нове леѵі́тстїи нача́тки пшени́цы и҆ вїна̀ и҆ є҆ле́а, и҆ та́мѡ (бꙋ́дꙋтъ) сосꙋ́ди свѧті́и, и҆ свѧще́нницы и҆ слꙋжи́телїе и҆ двє́рницы и҆ пѣвцы̀, и҆ не ѡ҆ста́вимъ до́мꙋ бг҃а на́шегѡ.
Нашли ошибку на сайте? Пожалуйста, помогите нам стать лучше! Выделите текст ошибки и нажмите Ctrl + Enter.
Также вы можете сообщить об ошибке, перейдя по ссылке: Сообщить об ошибке