Вера и Любовь
Православный портал. β-версия.
Книга Иисуса Навина на церковнославянском. Глава 12
- И҆ сі́и ца́рїе землѝ, и҆̀хже и҆зби́ша сы́нове і҆и҃лєвы и҆ наслѣ́диша зе́млю и҆́хъ ѡ҆б̾ ѻ҆нꙋ̀ странꙋ̀ і҆ѻрда́на, ѿ востѡ́къ со́лнца, ѿ де́бри а҆рнѡ́нскїѧ да́же до горы̀ а҆ермѡ́нъ, и҆ всю̀ зе́млю а҆́равꙋ ѿ востѡ́къ: Числ. LVIII. 13
- сиѡ́на царѧ̀ а҆морре́йска, и҆́же живѧ́ше во є҆севѡ́нѣ, ѡ҆блада́ѧй ѿ а҆рои́ра, и҆́же є҆́сть въ де́бри а҆рнѡ́нстѣй ѿ страны̀ де́бри, и҆ по́лъ (землѝ) галаа́да да́же до і҆аво́ка, (и҆дѣ́же) предѣ́лы сынѡ́въ а҆ммѡ́нихъ: Числ. LVIII. 24 Быт. LVIII. 22
- и҆ а҆́рава да́же до мо́рѧ хенере́ѳъ на восто́ки, и҆ да́же до мо́рѧ а҆́рава, мо́рѧ соли́щнагѡ ѿ востѡ́къ, пꙋте́мъ и҆́же ко виѳсїмѡ́ѳꙋ, и҆ ѿ ѳема́на и҆́же под̾ а҆сидѡ́ѳъ-фа́сгою: Числ. LVIII. 49 Числ. LVIII. 11 Быт. LVIII. 3
- и҆ ѡ҆́гъ ца́рь васа́нскїй ѡ҆ста́сѧ ѿ и҆споли́нѡвъ, и҆́же ѡ҆бита̀ во а҆старѡ́ѳѣ и҆ во є҆драі́нѣ, Нав. LVIII. 12 Втор. LVIII. 4
- ѡ҆блада́ѧй ѿ горы̀ а҆ермѡ́нъ, и҆ ѿ селхѝ, и҆ все́ю земле́ю васа́нъ да́же до предѣ̑лъ гесꙋрі̀, и҆ махаѳі̀, и҆ по́лъ галаа́да до предѣ̑лъ сиѡ́на царѧ̀ є҆севѡ́нска. Втор. LVIII. 13
- Мѡѷсе́й ра́бъ гдⷭ҇ень и҆ сы́нове і҆и҃лєвы порази́ша ѧ҆̀: и҆ дадѐ ю҆̀ мѡѷсе́й ра́бъ гдⷭ҇ень въ наслѣ́дїе рꙋви́мꙋ и҆ га́дꙋ и҆ полпле́мени манассі́инꙋ. Числ. LVIII. 24 Числ. LVIII. 33
- И҆ сі́и ца́рїе а҆морре́йстїи, ꙗ҆̀же и҆збѝ і҆исꙋ́съ и҆ сы́нове і҆и҃лєвы ѡ҆б̾ ѻ҆нꙋ̀ странꙋ̀ і҆ѻрда́на, при мо́ри валга́дъ на по́ли лїва́на, и҆ да́же до горы̀ а҆ло́къ, восходѧ́щихъ въ сиі́ръ: и҆ дадѐ ю҆̀ і҆исꙋ́съ племенѡ́мъ і҆и҃лєвымъ въ наслѣ́дїе по жре́бїю и҆́хъ, Нав. LVIII. 40
- на горѣ̀ и҆ на по́ли, и҆ во а҆́равѣ и҆ во а҆сидѡ́ѳѣ, и҆ въ пꙋсты́ни и҆ во наге́вѣ, хетте́а и҆ а҆морре́а, и҆ ханане́а и҆ ферезе́а, и҆ є҆ѵе́а и҆ і҆евꙋсе́а:
- царѧ̀ і҆ерїхѡ́нска и҆ царѧ̀ га́йска, и҆́же є҆́сть бли́з̾ веѳи́лѧ, Нав. LVIII. 1 Нав. LVIII. 29
- царѧ̀ і҆ерⷭ҇ли́мска, царѧ̀ хеврѡ́нска, Нав. LVIII. 1
- царѧ̀ і҆ерїмꙋ́ѳска, царѧ̀ лахі́сска, Нав. LVIII. 3
- царѧ̀ є҆глѡ́нска, царѧ̀ газе́рска, Нав. LVIII. 33
- царѧ̀ даві́рска, царѧ̀ гаде́рска, Нав. LVIII. 39
- царѧ̀ є҆рма́ѳска, царѧ̀ а҆де́рска,
- царѧ̀ ле́внска, царѧ̀ ѻ҆долла́мска,
- царѧ̀ маки́дска, царѧ̀ веѳи́льска, Нав. LVIII. 28
- царѧ̀ а҆пфꙋ́ска, царѧ̀ ѻ҆фе́рска,
- царѧ̀ а҆фе́кска, царѧ̀ хесарѡ́мска,
- царѧ̀ самврѡ́нска, царѧ̀ фꙋ́вска,
- царѧ̀ марѡ́нска, царѧ̀ а҆хса́фска, Нав. LVIII. 1
- царѧ̀ ѳана́хска, царѧ̀ магдедѡ́нска,
- царѧ̀ кеде́сска, царѧ̀ і҆екона́ма херме́ла,
- царѧ̀ а҆дѡ́рска нафеддѡ́рѧ,
- царѧ̀ гѡі́мска гелге́лѧ, царѧ̀ ѳерска̀. Всѝ сі́и ца́рїе три́десѧть є҆ди́нъ.
Нашли ошибку на сайте? Пожалуйста, помогите нам стать лучше! Выделите текст ошибки и нажмите Ctrl + Enter.
Также вы можете сообщить об ошибке, перейдя по ссылке: Сообщить об ошибке