Вера и Любовь
Православный портал. β-версия.
Кондак преподобному Стефану, глас 6
Церковно-славянский язык:
Зави́дя враг честно́му ти житию́,/ изри́нул тя бя́ше злоко́знством свои́м от нача́льства па́ствы,/ но ты, изгна́н быв,/ и на ино́м ме́сте це́рковь Богоро́дицы воздви́гл еси́,/ за что и Та са́ном почте́ тя архиере́йства,/ в не́йже ты до́бре упа́с вруче́нная ти о́вцы,/ пре́йде во весе́лии ко Христу́, Стефа́не,// Ему́же моли́ся о нас, рабе́х твои́х.
Русский язык:
Враг , завидуя твоей почитаемой жизни, лишил тебя злыми своими кознями руководства паствой, но ты, будучи изгнан, и на другом месте воздвиг церковь Богородицы, за что Она почтила тебя архиерейским саном, в ней же ты хорошо упас врученных тебе овец, с радостью отойдя ко Христу, Стефан, Ему же молись о нас, рабах твоих.
Другие кондаки преподобному Стефану
Ин кондак, глас 1
Проходя́, всеблаже́нне, доброде́тельми от си́лы в си́лу/ и всех, с тобо́ю су́щих, о́ными провозвыша́я,/ всем служи́л еси́, Стефа́не, и угожда́л,/ тем избра́н был еси́ всем,/ в дому́ Бо́жия Ма́тере су́щим, в старе́йшину./ Последи́ же и на степе́нь архиере́йства возведе́н был еси́,/ и, ста́до Христо́во до́бре упас,// моли́ Его́ о нас, ча́дех твои́х.
Ин кондак, глас 4
Стефа́н, испо́лнь ве́ры и благоче́стия,/ соверши́тель Бо́гом основа́нныя це́ркве Пече́рския,/ днесь, я́ко вели́кое свети́ло, всем возсия́,/ Христо́во ста́до богоуго́дно упа́с/ в неусы́пных стра́жех нощны́х./ Его́же чту́ще, прино́сим песнь/ еди́ному Тебе́, Христу́, всех Влады́це,/ моля́ще поми́ловати нас// того́ благоприя́тными моли́твами.
Нашли ошибку на сайте? Пожалуйста, помогите нам стать лучше! Выделите текст ошибки и нажмите Ctrl + Enter.
Также вы можете сообщить об ошибке, перейдя по ссылке: Сообщить об ошибке