Вера и Любовь
Православный портал. β-версия.
Ин кондак преподобной Евфросинии, глас 6
Церковно-славянский язык:
Женише́ мой Сладча́йший,/ Христу́ взыва́ше прекра́сная Евфроси́ния,/ и́бо сла́дость любве́ Твоея́ ду́шу ми наде́жею впери́/ и красота́ ми́лости Твоея́ се́рдце ми услади́,/ сопотруди́тися страда́нии по Тебе́,/ иму́щи на Тя наде́жду,/ да досто́йну мя черто́га с му́дрыми де́вами/ и ликовствова́ти у Тебе́ причти́мся./ Те́мже, преподо́бная,/ почита́юще по́двиг трудо́в твои́х, мо́лим тя́:// моли́ не зазри́тися и нам черто́гу две́ри.
Русский язык:
«Жених мой Сладчайший, - ко Христу взывала прекрасная Евфросиния, - ибо сладость любви Твоей душу мою окрыляет надеждой и красота милости Твоей сердце мое услаждает, потрудиться страдальческим подвигом во имя Твое, имея на Тебя надежду, чтобы Ты причислил меня вместе с мудрыми девами достойной радости в Твоем чертоге» . Потому, преподобная, почитая подвиг трудов твоих, молим тебя: моли чтобы и для нас не закрылись двери чертога.
Другие кондаки преподобной Евфросинии
Кондак, глас 2
Де́вства чи́стый сосу́д/ еле́ем моли́твы и любве́ испо́лнивши,/ неугаси́мый свети́льник в се́рдце свое́м возжгла́ еси́, преподо́бная,/ с ни́мже бо́дренно в сре́тение Небе́снаго Жениха́ изше́дши,/ в черто́г Того́ пресве́тлый прия́та была́ еси́,/ иде́же ны́не водворя́ющися с ли́ки А́нгелов и святы́х,/ моли́ся, мо́лимся, Христу́ Бо́гу,// ча́сти дев юро́дивых изба́витися нам.
Ин кондак, глас 8
Де́вства чистото́ю возжегла́ еси́ свещу́ своего́ ра́зума/ и просвети́ла еси́ душе́вную чистоту́,/ поще́нием же и бде́нием плоть порабо́тила еси́ ду́ху,/ те́мже, преподо́бная Евфроси́ние,/ почита́юще по́двиги трудо́в твои́х, мо́лимся,// моли́ Христа́ Бо́га спасти́ся душа́м на́шим.