Вера и Любовь
Православный портал. β-версия.
Ин кондак преподобной Евфросинии, глас 4
Церковно-славянский язык:
Превита́вши от земли́ По́лотския,/ оте́чество свое́, я́ко Авраа́м, насле́довавши, Евфроси́ние,/ зе́млю высо́ку сообра́зну — Го́рний Сио́н,/ те́мже те́ло твое́ душе́вным благому́жествием, страда́нием по́стным/ я́ко же́ртву приноси́ла еси́// милосе́рдием Свои́м, Да́вшему Себе́ за челове́ки Же́ртву благоприя́тну.
Русский язык:
Странствуя от земли Полоцкой, отечество свое, как Авраам, ты унаследовала, Евфросиния, в земле возвышенной, подобной Небесному Сиону, потому что тело твое благоразумным мужеством, страданием в пощении, как жертву приносила ты Отдавшему Себя по милосердию Своему за людей в благоприятную Жертву.
Другие кондаки преподобной Евфросинии
Кондак, глас 8
Избра́нней Бо́гом от самаго́ рожде́ния/ и призва́нней на служе́ние Ему́,/ в чи́не а́нгельстем Го́сподеви послужи́вшей свя́то,/ и преподо́бно пожи́вшей,/ и ны́не с Небе́сными си́лами Го́спода восхваля́ющей,/ о нас же, гре́шных, пред Го́сподем хода́тайствующей,/ с ра́достию и любо́вию воззове́м:// ра́дуйся, Евфроси́ние, неве́сто Христо́ва всечестна́я.
Ин кондак, глас 8
Чи́стое свое́ де́вство и честно́е/ ми́лостынею, я́ко свети́льник еле́ем, украси́вшую/ и с му́дрыми де́вами в пресве́тлый черто́г Христо́в вше́дшую,/ Евфроси́нию сла́вную ублажи́м/ и, припа́дше к честны́м ея́ моще́м, наслади́мся ея́ благоуха́ния/ и уми́льне к ней возопие́м:/ я́ко име́я дерзнове́ние ко Христу́ Бо́гу// моли́ изба́витися злово́ния страсте́й и спасти́ся душа́м на́шим.
Нашли ошибку на сайте? Пожалуйста, помогите нам стать лучше! Выделите текст ошибки и нажмите Ctrl + Enter.
Также вы можете сообщить об ошибке, перейдя по ссылке: Сообщить об ошибке